NYIMBO CIA IBUKU 65 - 89

 KAHINDA GAKA NI GAKUMENYA 1.  Kahinda gaka ni gakumenya, Tutiri na kindu twetereire, Utonga wa thi-ino na ikeno cia thi. Ya ni cierekeire guthira.   2. Kahinda gakinye ga gutonya, Uthamaki-ini uria utagathira. Na tukonaga uthiu wa ithe witu. Na miago na ikeno cia matu-ini.   3. Nguo njeru igukenga ta riua, Cieruhitio ni utheri wa iguru. Nicio tukaheo twakinya kuo Maithori maitu ni magathira.   4. Tugakena hamwe na aria atheru, Aria makinyire mbere itu, Marikia gutoria mbara ya thi,   5. Aria megutoria mbara ya thi, Na miago na ikeno cia mwiri uyu. Acio nio makerwo atiriri, Nimurathimitwo iguru na thi.   6. Aria a guku thi nio metereire, Muthenya wa ituiro uria mukona, Marungii ciira-ini wa kihoto, Ikeno cia thi irorete mwaki-ini.   7. Makariraga maririkana, Ni mahetwo ihinda ria kumenya Ikeno cia mwiri uyu itiri bata Makiingatwo mbere ya Ithe witu.   (Amina)

  INAI HALELUYA 1. Inai Haleluya, Ni gikeno kinene, Amu ni tuhetwo muoyo Na undu wa gwitikia Riu twina igai ritu Uthamaki-ini wa iguru.   2. Muthenya wa Mwathani Wi hakuhi gukinya Aria mena ikeno ciao Na miago ya guku thi Makagia na kigiriko Na maithori maingi ma.   3. Muthamaki Jesu witu ni akamera umai Gutiari hindi ndamui, Thiii kuria mwaki-jni Nikuo kwina igai rianyu Gituro kia ndaimono   4. lthui aria twi guku thi, Hamwe na aria me iguru, Tuikaire twetereire Muthenya wa Mwathani Tondu niguo muthenya uria Tukaheo magai   5. Maria Mwathani eraniire Ati ni akagaira Aria matuire mbara-ini Thi ino ya minyamaro. Agaire o mundu o mundu Wira wake uria utarii   6. Atheru tugakenaga Hindi iyo tuirigiirwo. Ni Akerubi na Aserafi Giti-ini gia uthamaki. Gukihuhagwo macoro Na ruimbo rwa gikeno.   7. Akerubi na Aserafi Ni ciana cia gikeno, Nao Araika ni ndungata Cia uthamaki wa iguru, Ningi riri wa Jehova Mucii ucio wa ikenero. (Amina)

  RIU IHINDA NI RIKINYU 1.  Riu ihinda ni rikinyu Ria uthamaki wa aria atheru Mambiririe guthamaka Na Jesu Mwathani wao. Thi njeru na iguru rieru Mindi na mindi thayu-ini Tugatura na Mwathani.   2. Aria mutoi mukwirwo Ni ihinda ria kwihariria, Ngoro cikare utheri-ini Jesu witu akirie guka Aria othe mamwetereire Magatura uthamaki-ini Utari kieha na maithori.   3. Hugurai cikaro-ini Cia aria atheru mukiugaga Kwenda utheru niguo uugi Uikarage ta githima Kiria gitari na hingo kihuaga Niguo andu othe manyuage rugendo-ini.   4. Mwihaririei mutari na njiriri rugendo-ini Mutugo nduri na igai Uthamaki-ini wa ithe witu. Mundu oi undu uria uri uthiu-ini, Nakuo thi-ini wa ithe witu Kuri uriru utari wonwo.   5. Jesu witu ni oigire ati Maundu matari monwo, Nimagekwo matuku-ini Ma ithiriro guku thi-ino, Atheru menyererai Ngoro cianyu niguo uugi Uikarage ta githima.   6. Kuri cira wa kihoto Muthenya ucio wa Mwathani, Roho akoiga ni nii ndamwiraga Kaingi rugendo-ini In...

  ROHO NI MUTEITHIA WITU MBARA-INI 1. Roho ni muteithia witu mbara-ini Ningi kionereria gia kumenyithia, Aria mehokete ritwa ria Jesu, Thi-ino iri na miago na ikeno nyingi.   2. Hutata ndukae gucuthiriria Miago ya guku thi na ikeno ciayo, Tondu itiri hindi igakuonereria, Kwihoka Mwathani uri rugendo-ini.   3. Cuthiriria Jesu Mutharaba-ini Ahutatiire thi-ino na ikeno ciayo. Ehumbite uthamaki wa Ithe witu Niguo ahonokie andu kuma kwa ngoma.   4. Niwe Irigithathi kuma kuri akuu, Na ningi kuriuka kwa andu aria atheru, Aria mariithagio ni Roho Mutheru, Tondu ni ciana cia uthamaki.   5. Kieha na maithori ni kionereria, Thi ino ndiri mwago kana uhuruko, Kihuruko kiega njirigiriire Mucii wa matu-ini tene na tene.   6. Jesu akirie guka ni twetereire, Na giti kia unene wa thi na iguru, Na mwago wa Araika na riri wa Ithe, Aria Mamwendete no magakena.   (Amina)

  MWATHANI WAKWA THI-INO NO TA WERU-INI 1. Mwathani wakwa thi-ino no ta weru-ini Ngaragu na nyota ni muingi ma, Nigwiririire na nyota munene ma.   2. Nduire na kieha ni undu wa wira waku, Ndaririkana ngendo cia thi ino. Ndungata ciaku ituraga na minoga,   3. Mwathani wakwa baba ta ririkana Muthenya wari wa mbara nene, Ndwatiganiirie ndungata na maithoni.   4. Ninjui wega thu ciakwa ona ciangiha Kieha na ihoru ciandigiciria Guoko-ini gwaku ndina kirigiriro.   5. Ni nguguthaitha baba umenyerere Rugendo-ini rwakwa ndikanoge, Nowe mwihoko riria ndina magerio.   6. Nowe mwihoko ririra ndina gikeno Ndeithia ndikae kuriganiruo Wi mwihokeku muteithia wa aria atheru.   7. Wira-ini waku ndeithia nganahotana Muthenya wakinya wa Mwathani, Ngekirwo thumbi hamwe na andu aria atheru  (Amina)

NU UTANGIIGUA KIEHA 1. Nu utangiigua kieha Na utangirira mimo, Nikuona Jesu agithinio Hau mutharaba-ini. Akorwo ni athinirio Akorwo ni akuire. Endaga gutuhonokia Tukinye mwago-ini   2. Mugunda wa Gethsemane Anyitwo ni kieha, O rimwe agithithina Thakame nyingi muno Tiga Muraika umwe, Wokire akimutira Niangiakuire hindi iyo Ni undu wa mehia maitu.   3. Nduiyukie ngeithi Mwathani Niguo oiga Judasi Orimwe akimumumunya Akira athigari Uyu niwe munyitei Mumuohe na ndakore Mungienda kumuraga Uhoro ni wanyu.   4. Athigari mamunyita Mamuoha na mikanda Utuku mamutwarire Kuri Pontio Pilato, Nake ucio amucirithirie, Akimuria uri Ngai? Nake Jesu akimwira Nama ndi Ngai ni ukanyona.   5. Petero orio ni muiritu Kai uri wa Jesu? Nake Mutumwo Munene akiuga Ndiri wake Akana Jesu gatatu Nayo nguku ikigamba Akiinama akirira Aririkana uguo.   6. Pilato kai utari thoni Riria ugwika mahitia Watiga Mwathani waku, Waiyukia na Caitani? Tondu wa guoya muthuku Wohorithia Baraba, Wanengera Ay...

ROHO EKUGA AKOIMBURA 1.  Roho ekuga akoimbura Guku ndari na ihinda, Ni ekwambata matu-ini Ambate na aria atheru Nario ihinda rikinye, Ria gucoka kwa Jesu. Haleluya Mwathani, Roho tuthagathage Tuhumbe riri waku   2. Mathangania na nganja, Na thieya na muhuthia Ni thigari, cia ngoma, Mwirutei na Roho Tondu we ni mwathiki. Mwendani na muigua tha.   3. Marakara ma Ngai Ni meguitiririo thi, Mwaki ukoira ta mbura, Ui iya kiriro kiingi ni gikoneka, Tonya rungu rua utheru.   4. Thambia nguo ya ngoro Muhikania ehakuhi, Na matawa makanio, No ta ibuthia ria ritho, Agiuka kuiyira atheru Moime thi ino ya thina.   (Amina)

  JEHOVA NI ERIRE NUHU 1. Jehova ni erire Nuhu Wiyakire Thabina Yarika ningakuhonokia Hamwe na andu aku othe. Ndugiuke ndugiuke utonye Murango ti muhinge Na wahingwo ndukahingurwo Ndugiuke utonye.   2. Yarika Nuhu ni amerire Makimuthekerera Makiuga ni uhoro wa urimu Makirega othe.   3. Murango warikia kuhingwo Makirika kurira othe Othe makirika gwitana Na matingitikwo.   4. Uikaire nja kana wi thiini Kana wi muromo-ini? Wacuthiriria miena yeri Niukuhingiririo.   5. Ndukoige wambe weterere Kahinda ke hakuhi Kaira Jesu akuhonokie Ndugiuke utonye.   6. Jesu niwe thabina itu Niwe watukuiriire Itikia riu ciugo ciake Niegukuhonokia.  (Amina)

 UI IYA MWATHANI WAKWA 1.  Ui iya Mwathani wakwa, Unjoe ngirira ni mehia Ngukaiire ni minyamaro na mehia, Ndanehia ndi thi-ino Mehia ndanehia ndi thi.   2. Njeraga na arata akwa, Makanguciriria mehia-ini, ndacera na Ibuku ria Ngai, Rikanyumiriria Rikanyumiriria.   3. Njerekeire kwa Baba iguru, Miago ya thi ndahutatira, Ngai baba ndagukaira unjoe, Undware iguru. Unjoe undware iguru.   4.  Mwiriri ukwirira nierire, Kahinda nigakuhiriirie Mwathani Ngai akirie guka na mwaki Wa gucina thi, Na mwaki wa gucina thi   5.  Ngakenaga muno makiria, Ndakinya kwa baba matu-ini, Ngamugocaga na thaburi na nyimbo Mwathani Ngai Jehova wa Israeli. (Amina)

  JESU MWENE NIWE WOIGIRE 1. Jesu mwene niwe woigire Kahinda nigakuhiriirie Uria ukwenda kwirira erire Kahinda ni gakuhiriirie   Ngoma nierwo tutiri thiri Na uria wariho nindaui Warihirwo ni Jesu Mutharaba-ini Kalvari   2. Mandiko make niatigire Matikora kana mabuthe Mundu ndakona kigwatio Mwathani wakwa ndiakui   3. Ayubu mwene athinirio Na mirimu na magerio Akininirwo indo ciothe Na mwiri wake ukinyarirwo   4. Ngoro cia andu a nja  Ni huthu, mutumia wake amwirire Ayubu ni turume Ngai Twamwitikia no gutugeria   5. Atuniniire ciana na mburi Na mwiri waku ukinyarirwo Ayubu mwene erire Ngai Mwathani wanjiarire njaga   6. Na ndiari kindu onaki Wenda kunjita ni unjite No igai riria ngukuhoya Mwathani ndukanyime muoyo   7. Ngai mwene niwe wonire Ayubu nietikitie muno Akimuninira magerio Na kindu akirihwo na kingi. (Amina)

 MWATHANI MUNENE MUTHINJIRI 1. Mwathani munene muthinjiri Hindi iria ehitire akiuga na ma, Utakamukira uthamaki ta mwana Ndagatonya mucii wa matu-ini.   2. Ni akuire akiambata na riu ari iguru, Na riu aturaga athinjagira Mahoi mambatite ma ngoro theru Niwe unengagiriria Jehova.   3. Musa atigire uthamaki wa Misiri Johana agithii kuria ngigi, Athondekere Mwathani ngoro ciothe Ena hinya wa Roho wa Elija.   4. Hindi iria matuku ma thi magathira Hindi io Jesu niakarahuka. Ere Baba magetha mari guthira, Thabibu niciathira mugunda.   5. Hindi io itonga na eyathi na aregi, Aria matuire megathaga thi. Makarira ni undu wa mwigatho wao, Kwinyihia kwigoce he Mwathani.   6. Inyui andu aria muri na Roho wa ma Wega wanyu no mukiriririe, Tondu riu muri na utonga munene Gukira thahabu cia thi yothe.   7. Jesu oragiiruo ki? Wiciriei muno, Oragiirwo mawaganu maitu, Anabii na Atumwo moragiiruo ki ? Moragiiruo kuhingia uira uyu.  (Amina)

  RINGIRIRIA ANDU OTHE 1. Ringiriria andu othe Mwene Mai na ruhuho, Aria mohoretwo gwaku, Mathii kuri aria ohe, Mamahonokie, Mamahonokie, Mamahonokie moke gwaku moherwo.   2. Twatigire ciitu ciothe Twetikia ndeto ciaku, Twina ciiraniro nyingi, Tuthiage uria ukwenda, Uthii na ithui, Uthii na ithui, Uthii na ithui, Ututware matu-ini.   3. Ona tungiaga maciaro Tuthinikage tuhu, Jesu uikare mwena witu, Tutikae kunoga, Uikare na ithui, Uikare na ithui, Uikare na ithui Jesu ndungata ciaku.   4. Kiu nikio tukagetha Kiria twahandi thi,  Na twamuona uthiu wake. Agituhe mucara,  Tukamuinira Jesu Tukamuinira  Tukamuinira Jesu niundu wa gutwenda.  (Amina)

  NDAHUNYUKITE NGIUMA KWA WAING’A 1. Ndahunyukite ngiuma kwa waing’a Ndahunyukite ngiuma kwa waing’a Jesu akinjoya agithambia wega, Akihumba nguo ya uhonokio.   Kwa waing’a ndigacoka Gwake ringi ndigacoka.   2. Ndari mbere ya mutharaba, Ndari mbere ya mutharaba, Caitani akiigua ndigacoka.   3. Murata watura kwa waing’a. Murata watura kwa waing’a, Nduri na kindu uri muthini Jesu aragwita akuhonokie.   4. Ningenete ni kuhonoka, Ningenete ni kuhonoka, Ndaririkana wira wa hinya Riria ndatuire gwa Caitani. (Amina)

  ANDU ME NYUMBA IMWE 1.  Andu me nyumba imwe Mangikararania nyumba iyo makite Yaharagana. Ni uhoro mwega atia, o na wi gikeno Andu me nyumba imwe maiguanite.   2. Acio ni ta tawa muiyuru maguta Ugitherera andu othe Me nyumba thiini.   3. Mahana maguta maitiriirio mutwe Makaiyura nguo-ini cia muthinjiri.   4. Ngoro ciao ihana muthamaki wama Riria eguthamakira nduriri ciothe   5. Uthamaki wa thi Jehova niatuite. Uhurane guo mwene uthuthike wothe.  (Amina)

  JEHOVA AIYURIRIE NGORO YA NUHU 1. Jehova aiyuririe ngoro ya Nuhu Utheri munene agiaka Thabina Ena hinya muingi wa kuhonokia Mioyo ya nduriri ciothe hamwe na nyamu. Tigai gutuika ithuki menyai  Muitiririo Roho, mutuike utheri,  Mumurikire andu njira ya iguru,  Mioyo ya nduriri ciothe Mumihonokie.   2. Muiyuro wa mai waninire thi Nuhu mari anana mahonokirio Ni nyumba ya Ngai hamwe na nyamu Iria Jehova athanire cingirio thiini.   3. Miaka igana rimwe ningi na miaka Mirongo mugwanja na miaka itano Irathimo ciothe na uthingu muingi Na utheri ciatuire ngoro ya Iburahimu.   4. Ni uira mutheru Musa onirio Wagutuma ature na umiriru Jehova amwirire ta ruta iratu Hau urugamite ni hatheru na nihamure.   5. Ni utheri munene watongoririe Musa agithii mbara kwa Firauni Jehova amwirire rekia ruthanju Rugituika nyamu ya thi yakugegania.  (Amina)

  GOOCAI MWATHANI WA ATHERU 1. Goocai Mwathani wa atheru Riu tumite iria iriku Rugendo rukirie guthira Twambate na mwiri wa Roho Goocai Ngai witu goocai Goocai Mwathani wa atheru Mathina mathiite guthira Twambate na mwiri wa Roho   2. Mwathani niatuhonokirie Ndundu cia aremi na akararia, Marakara matanakinya Tweheria ngarari na uremi   3. Ngiri na ngiri cia uhonokio Ciikairiire iti-ini cia unene Cietereire tuume mbara-ini Twambate na mwiri wa Roho   4. Roho Mutheru ni aratwira Tuiyurwo ni gukiririria Mwathani witu ahotanire Na wendo na gukiririria   5. Tuikarage na ngoro theru Turi wira-ini wa Mwathani Kuri thina kana gikeno Ritwa riake no rigocagwo. (Amina)

  IGURU RIA KIRIMA, GACUMBIRI 1. Iguru ria kirima, gacumbiri, Igua mugambo ugwitana, Uguitika tari ithima nyingi Ni mauira ma Atheru. Mwihaririei mbara-ini mwiharirie, mbara-ini Mugambo ugwitana mwiharirie, Ukira we Mukristo.   2. Mwihaririei ota athigari, Kenagirai uhonokio Na winyihia ona wihokeku Muriithio ni Araika.   3. Karumbeta ni kahuhe ringi Na mugambo munene Wa mbara, ithuothe gwake, Ithuothe gwake Jesu nitugutoria mbara.  (Amina)

  MUTUMUMU UMWE 1. Mutumumu umwe ni etire Jesu, Niguo oke amuhutie Tondu we aturaga ari mutumumu, Akianirira na mugambo.   Ngwenda uke uhutie, Ngwenda uke uhutie, ungindiga no hoteke, Ngwenda uke uhutie.   2. Arutwo a Jesu ni moririe Jesu, Aciarirwo e mutumumu. Ni aciari ake mari na mahitia? Tiguo ona hanini.   3. Ona ningi andu othe Makiambiriria kurania Githi ti uria urahoyaga? Amwe niwe aria angi ti we, Nake akiuga nii ni nii.   4. Tumugoce Jesu tumugoce ringi, Tondu ni atuhonoketie, Tugoce muhonokia ni agoka ringi, Na matu ma iguru.   5. Nituine Haleluya nituine Haleluya Haleluya Haleluya Hosana niagoka Hosana niagoka Hosana niagoka Haleluya Haleluya Hosana niagoka.   (Amina)

  KANITHA-INI NITUKITE 1. Kanitha-ini nitukite, tukienda irathimo Tukimenyaga ati Jesu, ehakuhi gucoka. Undongorie, undongorie, Mutongoria wakwa ni wee Nii ndi nyiki ndingihota Ndaguthaitha undongorie .   2. Imenyithia cia njata, mweri, Mbara, ng’aragu na haro Kuongerereka waganu, Cionanagia muthenya ucio.   3. No wira umwe utigarite Wa kuhunjia uhoro uyu Na twihokete thakame, Ya Jesu na uhonokio.  (Amina)

 HINGURAI MATU MUIGUE 1. Hingurai matu muigue mumenya Uhoti na uugi na uthamaki I moko-ini ma Ngai, Habili niwe muira. Tondu wa guthaitha Jehova na ma Nake akionererio njira ya utheri.   2. Iburahimu etwo ni Ngai akiigua Atuire Kanani na githinjiro Ariragira Ngai akihoota nduriri.   3. Musa ahotaniirwo kwa Firauni Ni igongona itheru athinjiire Ngai Agitiga amomora unene wa Misiri.   4. Thu cia hinga njira Musa ambatire Kirima-ini na Huri na Haruni Matira Musa moko Joshua akihota mbaara.   5. Akani aiya indo iria ciari kirumi Thu ikiuraga anake mirongo itatu Na atandatu Joshua na athuri othe makirira.   6. Gideoni na Jefitha mahotire ita Ngoro ciumiriirie iteguthangania Gideoni akiiga ruua na Jefitha akihita.   7. Uthinjiri niguo uhonokanagia Jesu akurire andu na uthinjiri Wa thakame na maai magiitiririo Roho.   8. Jesu ari matu-ini githinjiro-ini Niwe Muthinjiri wa ngoro ciothe Nake Roho e mbaara-ini thiini wa ngoro cia andu.  (Amina)

  GITI GIAKU JEHOVA NI GITHERU 1. Giti giaku Jehova ni githeru Kuri irima ciothe Na ni githeru gukira riua Na gukira mweri Hindi ya mathina tiga Baba Kurora na kungi Tiga kuhitha uthiu waku Hindi ya maithori   2. Uhoti ni waku na uthamaki Na uhoreri na tha Na utugi na kuhonokania, Ii moko-ini maku.   3. Matu maku Jehova reke maigue Guthaithana gwitu Ta uria Suleimani Jehova, We mwarikaniire.   4. Jehova Ithe wa maroho maitu Itika mucayo Wa athuri na atumia na anake, Na airitu na ciana   5. Ruo rwa mirimu yothe Baba Gutiri utoi Ona rwa kunyarirwo ni thu, Ona rwa ng’aragu   6. Mathina ma andu aria me ng’endo-ini Na minoga yao Jehova wi matu-ini maitho Maku no marona   7. Kuhurunja Baba we ni ui Na gucokereria Na ni ui gutungumania, Na gutiira wega   8. Tuhonokie Baba gwi thu ciothe Cia maroho maitu We kimuri kia Iburahimu, Na ruciaro rwake   9. Marakara tiga tuiguire tha Tondu wi na umenyo Wa kumenya ithui twi tuhu, Mwiri kindu gia kubutha ...

  NGAI WA IBURAHIMU NGUGUTHAITHIRA 1. Ngai wa Iburahimu nguguthaithira Muthabibu uria wahandire thu cioete Ciothe Mathanwa na hiu iteme honge Na ciunure magoko maguo.   2. Baba ngoro cia athuri na cia atumia Kieha ihumbitwo ta ari nguo Na ruo ikundagio ta ari mai mena githima Ni mawaganu ma nduriri.   3. Anake othe aria njamba cia ritwa riaku Aria waitiriirie maguta Na ukimehitira Wihumbite uthingu na uhoti waku Matuitwo itaha ni thu ciaku.   4. Uthingu wa airitu na utheru hamwe Na uhoreri muingi ta nguo Uria wamaheire, magocithagie ritwa riaku Nduriri imatigite njaga.   5. Ciana igukurira ku? Ngai nduigue tha Tondu niubatairio ni uthingu Turirikanire, mwihitwa waku wehitiire Mutheru waku Iburahimu.  (Amina)

 NGAI BABA NJITIKA RIRIA NGUGUKAIRA 1. Ngai baba njitika riria ngugukaira Ndaguthaitha hingura uthambie ningweruha. Ndatuura ngugocaga Ndukandiga kwa ngoma Ona ndugetikira Nyone uhoro wa gukua.   2. Wanyonire ndi muohe na mihindo ya gikuu Thakame o na maai niciamituangire.   3. Magai makigayuo ma unene wa guku thi Ndegaiire Mwathani agituike igai riakwa.   4. Mamukundirie thiki yari nduru ta nyongo Niguo aingi maguage na aria angi magokira.  (Amina)

  MWATHANI MUNENE NA MUTHERU 1. Mwathani munene na mutheru Egithinjiro-ini na maithori.   Niehumbite nguo i thakame yothe Ya guthaitha Ngai ndakehie thi.   2. Muriithi agakena riria akona Nicioimira ciothe githaka-ini.   3. Niagacitiiriria kiugu gia Ithe Ruthanju anengere Ngai ariithie.   4. Ngai niakoraga nduira ciothe Niagaitiriria thi marakara.  (Amina)